म पनि त्यसै गरुँ ?
" कोही मलाई हेर्न आउँदै छ रे भोली !
सोंच्दैछु- के हेर्छ होला उसले ?!
व्यवहार ?!
त्यो त म बनावटी पनि देखाइदिन सक्छु !
मुस्कान ?!
त्यो पनि म जसोतसो अभिनय गरिदिन सक्छु !
आँखा ?!
नजर जुधाएर लजाइदिन सक्छु
सजिलै सम्मोहित गरिदिन सक्छु !
ओंठ ?!
उपल्लो दातले तल्लो ओंठलाई
कला संग सुस्तरी टोकेर
मर्द मुटुलाई घाइते बनाइदिन सक्छु !
नितम्ब ?
भद्र मुस्कान ओंठमा च्याँपेर
चाहनाका गिद्दे पन्जाहरूले
यिनको गोलाई कसरी नछाम्लान र ?
क्षणभरलाई ती चाहनालाई छोइदिन सक्छु !!
योनी ?
सुनेकी छु-
अनुहारको चिल्लोमा चिप्लिएर
छातीमा ठक्कर खाँदै
योनीको गहिराईमा गई खस्छन रे अक्सर-
पुरुष आँखाका दिव्य दृष्टिहरू !
र
त्यहिं नेर बन्छन रे
जीवन साट्ने सम्झौता र स्वीकृतिहरू !!
म पनि त्यसै गरुँ ?! "❤️
Comments
Post a Comment